星期五, 三月 29, 2024

超巨型恐龍登陸澳門新濠影滙! 影相打卡+實境體驗激鬥恐龍!?

去澳門又有新打卡位喇!
新濠影滙嘅「賞金尋龍」大型恐龍互動展,啲恐龍高到上天花板!
淨係望都覺得震撼啊~跟小編嚟影相、玩AR、VR啦!

影相位:全場最大!超高恐龍

咁大隻恐龍,要人與恐龍同時出現係張相,攝影師靠你了!

仲識得郁㗎~~~

小編小教室:恐龍係有分肉食、草食㗎!

今次兩款都有齊,你又分唔分到呢?

特暴龍(肉食)

美甲龍(草食)

腕龍(草食)

行出酒店大堂,原來仲有!
好~大~隻~啊~~~想同佢影相,睇嚟要借位了~

影相+拍片位:坐直升機!近距離接觸恐龍?

你以為呢架直升機只係裝飾?坐入去有嘢睇㗎~

可以近距離接觸恐龍!聽聞仲幾緊張刺激!
重點係… 幫你拍埋片!咁就可以Post上Facebook啦~

影相位:細有細影!

唔想影巨型恐龍?大有大影,細有細影嘅姐!
細細隻嘅速龍、恐爪龍啱唔啱心水?

迅猛龍

恐爪龍

喂喂喂!影完相仲未完㗎,仲有好多嘢睇、好多嘢玩!

千祈唔好錯過啊~

Hologram:一齊睇恐龍孵化!

呢個流動科學實驗室,可以畀你近距離觀賞「伶盜龍」孵化過程!

可以邊玩邊學嘢喎~

嚟!一齊睇下破蛋而出嘅可愛小恐龍,慢慢變成… 可怕嘅肉食性恐龍!

好嘢又點止咁少?二月仲有新嘢玩!

VR體驗「與恐龍飛翔」

掛你係半空?肉食恐龍嘅大佬「暴龍」一直追住你?
聽到都覺得緊張刺激!你有冇信心逃得出佢手指罅?

AR技術「恐龍現形」

VR就聽得多,AR你玩過未?
你可以透過AR技術,見證超霸氣嘅「特暴龍」,由巨型骸骨「復活」變返恐龍!

 

呢到又玩得又影得,快啲出發澳門恐龍展啦!
(仲可以順便去掃晒澳門啲美食啊… :P)

新濠影滙「賞金尋龍」大型恐龍互動展
地點:澳門新濠影滙

x
搜尋